抗曼城挖拒 白礼顿开新约留古古列拿

xcy232323

       


        白礼顿左闸古古列拿上季一炮而红，据报获曼城领队哥迪奥拿垂青，不过白礼顿似乎唔想轻易放人，英国《每日镜报》报道，白礼顿正同呢位西班牙「爆炸头」倾新合约，希望佢可以拒绝曼城斟介，继续留效。
        23岁嘅古古列拿上年先由基达菲加盟白礼顿，迅即成为英超最佳左闸之一，上季踢足38场联赛，满场飞嘅活力相当惊人，消息指曼城打算撬佢过档，令上季客串左闸嘅祖奥简些路可以踢返擅长嘅右闸，估计转会费将高将5,000万镑。
        不过，白礼顿近日率先出招，主席布隆表示：「全英超只有3、4间球会可以话球员系『非卖品』，不过我哋冇收到任何开价买古古列拿，佢系白礼顿上季嘅双料足球先生，我哋绝对唔想阵中最佳球员离队。」报道指白礼顿已向古古列拿开出新合约，希望佢会答应继续留队。