【有片】7旋斩2.0！罗密欧破网老窦畀Like

xcy232323

       

        碧咸3个仔之中，暂时只有2仔罗密欧继承佢嘅足球衣钵，碧咸嘅成名绝技7旋斩更重现江湖！效力国际迈亚密B队嘅罗密欧，日前对奥兰多城B队一仗，施展7旋斩2.0罚球劲射破网，影片喺网上疯传，老窦碧咸都畀Like。
        罗密欧入波片：https://bit.ly/3OZD69b
        呢场波国际迈亚密B队赢3比1，不过赛果唔系重点，最重要系罗密欧罚球入波，呢个罚球离门25码，罗密欧助跑冲前，用右脚拉出漂亮弧綫，弯过人墙曲坠死角入网，仲系罗密欧今季首个入球，更加难得。
        罗密欧嘅入波，碧咸职业生涯入过好多，依家由囝囝继承，做老窦嘅当然开心，佢兴奋留言话：「呢个系令人自豪嘅时刻！我个仔攻入首个入球，精彩嘅罚球，老友，希望入波陆续有来。」
        罗密欧现年19岁，同老窦一样司职右中场，现时转会身价5万欧元，唔少球迷留言话，佢除咗继承足球衣钵，仲继承埋碧咸嘅颜值，3兄弟中，罗密欧最靓仔最有型。