罗拔佬向拜仁报到 收死亡恐吓

xcy232323

       

        今夏扬言离开拜仁慕尼黑嘅波兰射手罗拔利云度夫斯基，周二(12日)向拜仁报到，准备参加球队季前集训，不过佢嘅转会传闻仲未平息，佢嘅行为已经引起球迷不满，有激进球迷喺佢社交网发出死亡恐吓。
        之前传出不惜罢操都要离队嘅「罗拔佬」，呢日乖乖返到慕尼黑向球会报到，消息指佢将会接受例行体检之後，就会参加球队季前集训，准备新球季。
        不过「罗拔佬」今次只有单人现身，家人并未跟随到德国，似乎为转会留有一手，亦因为今次转会风波，佢嘅社交网站出现大量球迷怒骂留言，当中有各种威胁，最严重嘅有死亡恐吓。
        有意收购「罗拔佬」嘅巴塞隆拿一直就事件拉锯，拜仁企硬要求5000万欧元转会费先放人，并拒绝分期付款而要巴塞一炮过支付，着名记者Mateusz Borek透露，巴塞会长拉波塔已经就范，答应拜仁5000万欧元转会，将会向「罗拔佬」开出3+1合约，希望喺拜仁本周末到美国集训前解决转会问题。