「Cool魔」坦哈格要求高：我哋犯咗唔少错误

xcy232323

       

        曼联喺「双红会」季前热身赛，以4比0大胜利物浦，新领队坦哈格取得梦幻开局，但呢位52岁荷兰名帅全场表现冷静，木无表情，被球迷形容系「Cool魔」。事实上，坦哈格表示，球队今仗仍然犯下唔少错误，需要改善，难怪佢笑唔出。
        赛後坦哈格话：「曼联有好多优秀球员，要做嘅事系将佢哋组织成团队，我满意球员今场精神面貌，有速度同创造力，但我哋亦犯下唔少错误，浪费几个入波机会，必须努力避免出错，同埋唔好太高估4比0赛果，毕竟利物浦用咗好多副选球员。」
        曼联上下半场用咗2套阵容，高位压迫、速度冲击方面，都有出色发挥，坦哈格对球队嘅改造初见成效。
        英超开锣之前，曼联仲有5场热身赛，对手包括墨尔本胜利、水晶宫、阿士东维拉、马德里体育、华历简奴，坦哈格仲有时间将曼联打造得更完美。