艾朗蓝斯返祖记被整蛊 误签「解约协议」

xcy232323

       

        祖云达斯获法国中场保罗普巴回归，同位置嘅艾朗蓝斯喺意甲嘅日子进入最後倒数，呢位威尔斯国脚仲有1年合约，不过日前返球队操练期间，就被一位扮索取签名嘅球迷整蛊，误签「解约协议」。
        31岁嘅艾朗蓝斯着住训练衫返祖云达斯基地，期间为球迷签名留念，不过有球迷就大整蛊，拎一张用意大利文写住「解除合约」嘅纸畀佢签名，艾朗蓝斯亦不以为意咁照签，虽然呢次纯粹恶搞而冇法律效力，但亦见到祖云达斯球迷有几想艾朗蓝斯离开。'
        艾朗蓝斯喺祖云达斯唔受重用，上季意甲只系踢过1场正选，据报球会正同佢商讨提前解约，祖云达斯将用350万镑买断佢最後1年合约。消息指英冠球会卡迪夫城、英超嘅爱华顿、修咸顿同列斯联等都有意招揽佢加盟。