唔够弗？C朗跑赢晒曼联队友！

xcy232323

       

        曼联前锋C朗拿度喺英超开锣战只任後备，结果球队主场1比2输畀白礼顿，领队坦哈格赛後指C朗「状态不足」系做後备嘅原因，不过曼联官方twitter公开一幅练习期间「冲刺」相片，见到C朗跑赢晒一众队友，似乎状态唔系太差喎！
        据《曼彻斯特晚报》报道，曼联周三(10日)进行操练，其中一次冲刺练习入面，37岁嘅C朗就跑赢队友率先冲线，呢个镜头亦被曼联官方twitter公开分享，而C朗亦喺自己twitter留言：「努力一定会有回报」，暗示自己状态已回复水准。
        曼联日前举行闭门热身赛，C朗并冇上阵，不过喺安东尼马迪尔因伤上阵成疑下，C朗如果可以重拾状应，周日(14日)凌晨作客宾福特仍然好有机会复任正选。