罗美路受伤抖1个月 网民：恶有恶报！

xcy232323

       


        热刺上轮英超逼和车路士，中坚基斯甸罗美路「扯头发」阴招虽然走得甩，不过消息指佢喺比赛中肌肉拉伤，将要休息3至4个星期，大批网民指呢位阿根廷「茅王」本应停赛3场，依家受伤缺阵系为自己恶行还债。
        据《Football London》报道，开季2场踢足晒嘅基斯甸罗美路，喺对车路士一仗拉伤肌肉，预计养伤期系3至4个星期，球队之後对狼队、诺定咸森林、韦斯咸同富咸嘅联赛好大机会缺阵，9月初展开嘅欧联分组赛亦未能赶及披甲，佢嘅位置将会由达云臣山齐士代替。
        球证对基斯甸罗美路扯古古列拿头发视若无睹，英足总亦碍於条例唔可以秋後算帐，唔少网民都觉得基斯甸罗美路「逍遥法外」唔公道，有网民留言话：「伤患对球员系不幸，但基斯甸罗美路本来就应该停赛至少3场，今次真系好难同情佢！」