麦汤米尼一箭定江山 拿玻里力追国米

xcy232323

曼联弃将麦汤米尼喺意甲大放异彩，呢位苏格兰国脚周日(20日)凌晨一箭定江山，带领拿玻里作客1比0击败蒙沙，继续力逼榜首国际米兰，成为拿玻里争逐冠军嘅关键人物。
麦汤米尼近期入球大爆发，上轮靠佢梅开二度以3比0大胜安玻里，今仗作客蒙沙迟迟入唔到波，终於喺72分钟由麦汤米尼接应传中顶入，为拿玻里拎到重要3分，追到同踢少1场嘅国际米兰同分。
28岁嘅麦汤米尼喺意甲如鱼得水，今季意甲交出9个入波同2次助攻，喺佢职业生涯最多产嘅一季。麦汤米尼赛後表示：「蒙沙系支好出色嘅球队，我哋要继续提高水平，向国米施加更多压力，干地对我哋要求好高，未来比赛要做得更好。」