奥巴美扬上季巴塞人工 由阿仙奴找数

xcy232323

       

        上季中由阿仙奴转投巴塞隆拿嘅奥巴美扬，原来佢喺巴塞半季人工共计700万镑，全由阿仙奴支付，而且球员将来转会分账收益，阿仙奴都冇份。
        英国传媒报道，奥巴美扬之所以离开阿仙奴，系因为同主帅阿迪达发生冲突，球会急住送走球员，因此佢嘅出售条件非常寛松，包括人工、之後转会分帐都冇倾过。
        奥巴美扬喺阿仙奴周薪高达35万镑，球员同意减薪转投巴塞，周薪减至27万镑，但原来呢半季人工都系阿仙奴承担，共计700万镑。奥巴美扬喺巴塞半季上阵23场入13球，协助球队重返联赛次席，竟然系免费，认真超值！
        假如巴塞日後出售奥巴美扬，按惯例前球会可得一定分帐，但呢次阿仙奴分文不取，当送瘟神咁送走球员。