【官宣】宾福特签「新艾历臣」 即斗曼联

xcy232323

       

        英超球会宾福特周三(10日)宣布，球队由森多利亚签入丹麦中场丹斯加特，据报转会费为1,670万镑。呢位22岁新星喺丹麦国家队被视为基斯甸艾历臣接班人，今次加盟宾福特亦系取代艾历臣嘅空缺，有趣嘅系，宾福特周日(14日)凌晨对曼联，丹斯加特有机会即刻同艾历臣交锋！
        丹斯加特同宾福特签约5年後，成为队中第6个丹麦球员，领队法兰基表示：「我认为丹斯加特系典型宾福特收购，非常年轻并充满潜力，球会有能力帮佢达到最高水平，佢上季唔好彩受到伤患困扰，但我哋喺欧国盃同森多利亚都见到佢系好有才华。」
        艾历臣今夏由宾福特转投曼联，丹斯加特将会顶替佢嘅位置，事实上丹麦上年欧国盃期间，亦系由丹斯加特代替心脏问题晕倒球场嘅艾历臣，而且表现非常突出。丹斯加特最快周日对曼联可以上阵，有望同「师兄」艾历臣大斗法。